झ्यो द ला फॉन्तेन हो १७ व्या शेंकड्यातलो फ्रँच कवी. आपणाल्या पद्य नितीकथांक लागून ला फॉन्तेनान फ्रँच साहित्यात सासणाची सुवात जोडल्या. तागेल्यो ह्यो नितीकथा संवसारभर पावल्यात. ला फॉन्तेनाचे तिसरे मर्णशताब्दे निमतान गोंय विद्यापिठांत २८ आनी २९ ऑक्टोबर ह्या दिसांनी एक राष्ट्रीय परिसंवाद जाल्लो. हो परिसंवाद गोंय विद्यापिठाचो फ्रँच विभाग, इन्स्टिट्युट ऑफ इंडो-युरोपियन स्टडीज, गोंय आनी आलियांस फ्रांसॅज, गोंय ह्यंच्या जोड पालवान घडोवन हाडिल्लो. ह्या परिसंवादांत वाचिल्लो हो पेपर.
